پاکستان اور موجودہ بین القوامی سیاسی صورتحال
راقم جس وقت یہ سطور تحریر کررہا ہے طالبان افغانستان کا مکمل کنٹرول سنبھال چکے ہیں اور دنیا کے بیشتر ممالک اِس سارے عمل کو یا تو قبول کرچکے ہیں یا شرفِ قبولیت بخشنے کے قریب ہیں۔
دلچسپ امر یہ ہے کے عالمی سیاسی پنڈتوں کی پیشگوئی طالبان نے یکسر غلط ثابت کردی۔ مہینوں کو ہفتوں، ہفتوں کو دنوں او دنوں کو دقیقوں میں تبدیل کرتے ہوئے کابل کی طرف برق رفتاری سے بڑھے اور بنا کسی خون خرابے کے تختِ کابل پر براجمان ہوگئے۔
دوسری طرف چین کی مکمل اور روس کی جزوی حمایت نے نئی افغان حکومت کے لئیے مذید آسانیاں پیدا کردیں ہیں۔
خطے میں بدلتے طاقت کے توازن اور حالات نے پاکستان کے لئیے موافق حالات پیدا کئیے ہیں۔ موجودہ حکومت اور اسٹیبلشمنٹ اس معاملے میں بھی ایک پیج پر ہیں اور اب دیکھنا یہ ہے کے پاکستان موجودہ حالات سے فائدہ کس طرح اُٹھاتا ہے۔
بھارت اور وہاں کا آر ایس ایس میڈیا بوکلاہٹ کا شکار ہے۔ بھارتی میڈیا اور اخبارات دیکھے جائیں تو تاثر ملتا ہے کے جیسے بھارت یہ جنگ ہار گیا ہے اور پاکستان یہ جنگ جیت گیا ہے۔ اِس ماحول کا فائدہ پاکستانی حکومت کو اُٹھانا چاہئے اور جس طرح وزیر خارجہ شاہ محمود قریشی ٹیلوفون ڈپلومیسی کرتے دکھائی دے رہے ہیں لگ رہا ہے کے پاکستان اِن حالات سے بھرپور فائدہ اُٹھانے جارہا ہے۔
20 سال سے کابل میں پاکستان مخالف حکومت کے خاتمے کے بعد اب روس، چین، ترکی اور افغانستان کے پاس بھرپور موقع ہے کے وہ ایک اتحاد کی صورت میں عالمی اجارہ داری قائم کرسکیں۔
مشترکہ کرنسی، نیٹو کی طرز پر مشترکہ دفاع، یورپین یونین کی طرز پر ایک دوسرے کے شہریوں کو سہولیات اور تجارت کے مواقع پاکستان اور اِس خطے کی عوام کے لئیے مفید ثابت ہوسکتے ہیں۔
